Cant' ermosa ses natura

di Franco Sotgiu

Qualche mese fa il 15 giugno 2024 alla XVII edizione del premio di poesia in lingua sarda "Benvenuto Lobina" di Villanova Tulo  ha avuto una segnalazione una mia poesia. 

La pubblico in versione originale e con la traduzione.

Cant' ermosa ses natura  

 

Ammiro sa natura totu canta

chi siat beranu, atonzu, ierru o istiu.

Mi piaghet su murmutu de onzi riu,

s'umbra, s'ùmida frunza de sa pranta,

s'abba, si proet, sia paga o tanta,

de sos puzones bolos e pìuliu.

Rispeto logos, matas, animales

los carigno, los trato che carrales.

 

No timo sa furrida unda 'e su mare

arta possente  movia  de sa traschia.

M'ammajat bìere sa tzurulia

chi pasat o si pesat a bolare;

cando a sero pustis s'iscurigare

su craru de sa luna mustrat s' 'ia.

Semper a la mirare mi che frimo

est natura, cosa chi deo istimo.

 

Mi piaghet cando tronat in beranu

e su chelu si lughet de sos lampos,

si bio sas erbas birdes de sos campos

pijadas de lentore su  manzanu.

Un'ispiga chi sèberat  su ranu,

sas naes inue brotant medas rampos.

In sa natura, modde siat o tostu

onni èssere tenet unu postu.

 

Cuntentadu cand' unu conchemàzu

a pustis tempus si mudat in rana;

si s'iscoberit una domo 'e Jana,

si aleno su nuscore crispu 'e s'azu.

Si bio su cane chi chena coràzu

timet sa fera ch'essit de sa tana.

Mi piaghen sos bobois e cugumeddos

cun su matzone iscàmbio duos faeddos.

 

Amo onzi cosa cand'est naturale,

su sole, sos pianetas e sa luna,

chelos e nues e si tenzo fortuna

bio a Vènere bella su chintale.

M'amparo cando surbiat su maistrale,

de niadas friscas no mi nde perdo una.

Tio cherrer' cumandare s'iscritura,

iscriet: cant' ermosa ses natura.

 

*****

Ammiro la natura tutta quanta

che sia primavera autunno inverno o estate.

Mi piace il mormorio di ogni ruscello,

l’ombra, l’umida fronda della pianta,

l’acqua, se piove, che sia poca o tanta,

degli uccelli i voli e il cinguettio. 

Rispetto habitat, piante, animali

li accarezzo e li tratto come fratelli

 

Non temo l’impetuosa onda del mare

alta possente mossa dalla tempesta.

M’incanta vedere la poiana

che riposa o si alza in volo;

quando la sera dopo il tramonto

il chiaro di luna mostra la via.

Mi fermo sempre a guardare

è natura è cosa che io stimo.

 

Mi piace quando tuona in primavera

e il cielo si illumina dai lampi,

se vedo le erbe verdi dei campi

piegate il mattino dalla rugiada.

Una spiga che fa crescere il chicco,

il ramo dove germogliano le fronde.

In natura che sia tenero o duro

ogni essere ha un suo posto.

 

Soddisfatto quando un girino

dopo un po di tempo muta in rana;

se si scopre una domus de Jana,

se respiro il forte odore dell’aglio.

Se vedo un cane pavido

      impaurito dalla fiera che esce dalla tana.

Mi piacciono gli insetti e i funghi

con  la volpe scambio due chiacchere.

 

Amo ogni cosa quando è naturale,

il sole, i pianeti e la luna,

cieli e nuvole e se ho fortuna

vedo Venere bella all’albeggiare.

Mi proteggo se sibila il maestrale,

delle nevicate fresche non me ne perdo una.

Vorrei padroneggiare la scrittura,

scrivere: quanto sei bella natura.