Crobu marinu

Frantziscu Sotgiu Melis Pes

Crobu marinu, astore vagabundu

bolende subra montes e tzitades,

subra padros, padentes e nuraghes,

de artu tue dòminas custu mundu.

Colas in artu mare, ali biancu;

su friscu ‘entu t'accumpanzat s' 'olu

a caddu de sas undas andas solu,

chen' ateros puzones a fiancu.

A dies ròdeas su muntonarzu,

mòrigas s'arga, buscas alimentu;

àteras sighis s'àndala  ‘e su entu,

chena timet s'àstragu de 'ennarzu.

A dies firmas sas alas in campu,

cando s'arbada sestat su caminu

buscas bobbois, bicas su terrinu.

No times ne su tronu ne su lampu.

Cheria esser ae che a tie,

'olande sa vida in libertade,

chelos lìmpios in s'infinidade

semper crobu biancu notte e die.

Cheria esser' òmine cun alas

postas in sos costazos firmas, beras

no che cussas de Icaru de cheras

chi si ch'iscazant in sas dies malas.

A sa muda olaìo e dae susu

bidìo ite si movet in sa terra:

s'umanu cumbatende carchi gherra

longa meda, de no nde podet prusu.

Po semper 'olaio a fiancu tu

cun sas pinnias chi carignant s'unda

paris, subra su mare faimos runda

a mente ben'aperta e a coro nu.

A ùrtimu pranamus in su mundu

cun sas francas pulias, lèbias alas,

chena timore si sas dies sunt malas,

crobu marinu, astore vagabundu.

Traduzione Italiano

Gabbiano

(Frantziscu Sotgiu Melis Pes)

Gabbiano, vagabondo

volando sopra i monti e le città,

sui prati, i boschi e i nuraghi,

dall’alto tu domini questo mondo.

Passi in alto mare, ali bianche;

il vento fresco ti accompagna il volo

a cavallo delle onde vai da solo,

senza altri uccelli al tuo fianco.

A giorni volteggi sulle discariche,

cercando tra i rifiuti per alimentarti;

altri segui il sentiero del vento,

senza timore del gelo di gennaio.

Ci sono giorni che fermi le tue ali nei campi,

quando il vomere traccia i solchi

cerchi le larve, beccando il terreno.

Non hai timore del tuono ne del lampo. 

Vorrei essere uccello come te,

volando la vita in libertà,

cieli limpidi nell’infinità

sempre gabbiano notte e giorno.

Vorrei essere uomo con le ali

messe sui fianchi ferme, vere

non come quelle di Icaro di cera

che si squagliano nei cattivi giorni.

Volerei silenzioso e dall’alto

vedrei cosa succede sulla terra:

l’umano combattendo qualche guerra

molto lunga, da non poterne più.

Per sempre volerei al tuo fianco

con le penne che accarezzano l’onda

insieme, dove c’è il mare facciamo ronda

con la mente ben aperta, col cuore nudo.

In ultimo planiamo sopra il mondo

con le zampe pulite, le ali leggere,

senza timore dei cattivi giorni,

gabbiano, vagabondo.

Lèbia e lìera poesia

De Frantziscu Sotgiu Melis Pes

Ti cheres lèbia, poesia

fintzas cun metrica e rimas;

sa libertade tue istimas

e in sa memòria ses bia.

Fintzas cando ti cheria

ligare cun cadenas,

idìo chi sufrias penas

e t’òliat meda su coro.

Sa libertade est tesoro,

sas funes ti sunt anzenas.

Seo jeo su chi as presu

e tue ses sa chi cumandat

tue ischis a inue andat

onzi versu, accanta o atesu

e dae meda appo cumpresu:

ses sa mere manna mia,

sa sola chi connoschia.

Tue chirras su momentu,

tue detzidis s’argumentu,

tue mi guidas in sa via.

Semper m'as azzuare

e mai m'as abbandonare

lèbia e lìera poesia.

Ti vuoi libera, poesia/anche con metrica e rime;/tu stimi la libertà /e sei viva nella memoria./Anche quando ti volevo/legare con le catene,/vedevo che soffrivi pene/e molto ti faceva male il cuore./La libertà è tesoro,/le funi ti sono aliene.//Io sono chi hai legato/e tu sei  chi comanda/tu sai dove va/ogni verso, vicino o lontano/e da molto ho capito:/tu sei la mia padrona,/la sola che conoscevo.//Tu scegli il momento,/tu decidi l’argomento,/tu mi guidi nella strada./M’aiuterai sempre/e non mi abbandonerai mai/leggera e libera poesia.

Su Crobu Ambiddarzu (Il Cormorano)

Su Crobu ambiddarzu

(Phalacrocorax carbo)