Epoca - Luis Rogelio Nogueras (trad. Frantziscu Sotgiu Melis Pes)

Sordau martzia tranquillu a sa batalla,

sa sambentosa batalla, sa ranchida batalla

dae inue no totus torrana
Bertolt Brecht

azuae custa pobera tzega

narat su cantu e paperi mantzau chi est appiccau 

a su tzugu frazile de cussa ‘etza.

Sa cara martoriada arreat frimma,

sos ogos chena vida lagrimana,

sas manos, tott’ossos paren de linna

suba ‘e sa este loroddosa.
E zeo pentzo chi devet tenner fritu suta cussos istratzos,

chi sa preca de sa ucca sua chena ‘entes’

fortzis no at mai assazau atera cosa si no pane nieddu e tostu.

E appustis su piticu burghesu

mi che brincat dae petorras sonande unu pagu ‘e soddos;

su coro modde de chera comintzat a s’iscazare de piedade.

Ma s’ateru chi tenzo aintro si rebellada,

iscutulat su tontu burghesu po su collete,

di che faet bolare cun d’una manada sos soddos,

e d’abboghinat in cara

chi solu sa revolutzione

d’ad a podet fagher zustitzia

a cussa ‘etza.

Aeroportu de Lisbona, cabudanni  1978