Gràtzias poesia

di Frantziscu Sotgiu Melis Pes

Gràtzias poesia

             (Frantziscu Sotgiu Melis Pes)

Cherzo narrer’: gràtzias poesia,

po tottus sos cossizos chi m'as dau,

e po sas cosas chi  m’as imparau

faghindemi una druche cumpanzia.

Isco, potzo contare subr’a a tie.

Si prus apretosu est su bisonzu,

si cherzo un'azudu, un’affranzu:

ses in su costazu, accant'a mie.

Ses tue c’as nau chi sa beridade

movet a s’imbesse de sas faulas,

m’as fattu connòscher’ sas paràulas,

fortza e vida de s’umanidade.

Ses tue chi mi das in su presente

sas pagas cosas chi mi dan consolu

mi faghes cumpanzia si so solu,

in prus m’amparas de sa mala zente.

Appo cumpresu de bon’ischiente

s'atera cosa chi m'as nadu puru:

no lassat fartas solu su futuru

da tenzo bene frimma in sa mente.

Si crachi ‘orta manco mi perdones,

sun isballios chena malidade:

curpa de s’avanzare de s'edade,

no po perun’ateras resones.

Gratzias poesia mia, no m’abbandones. 

*****

Grazie poesia

Voglio dire: grazie poesia,/per tutti i consigli che m'hai dato,/e per le cose che m’hai insegnato/facendomi una dolce compagnia./Lo so, posso contare su di te./Se il bisogno diventa più urgente,/se voglio aiuto, protezione:/tu sei sempre al mio fianco./Sei tu, chi ha detto che la verità/cammina al contrario della menzogna,/m’hai fatto conoscere le parole,/forza e vita dell’umanità./Sei tu chi mi da in questo momento/le poche cose che mi consolano/mi fai compagnia se sono solo,/e mi proteggi dalla mala gente./Ho capito da buon allievo/anche l’altra cosa che mi hai detto:/solo il futuro non lascia tracce,/ce l’ho ben presente nella mente./Se qualche volta sbaglio perdonami,/sono errori fatti in buona fede:/colpa dell’avanzare degli anni,/non per altre ragioni./

Grazie poesia mia, non abbandonarmi.