A sa sorte mala

Frantziscu Sotgiu Melis Pes

Tue ses su missu ‘e sa disgratzia,

cando arribas

sos pitzinnos s’assustana e fuini,

sas pitzocas si ettan' a terra pranghinde.

Cando ti biede, s’isperantzia si ch’olat

e sas origas si brevan de iscurtare:

               s’orulu ‘e matzone assurtorau,

               chi est sa oghe tua.

Cando ti pones a rìere

s’iscurigat su chelu

e proen' 
chisina e ischintiddas de fogu.

Tue nos battis:

        chimb’annos chena paghe,

        chimb’annos de siccannia,

        e sas chimbe malandras.

Si ses accanta,

s’assutan sas tittas de sas femminas,

si siccan sos crabigos de sas bestias;

si che brusiana cussorzas e padentes,

pranos e cugutzos

e in sos montes,

s’iscazat su nie chena faet abba.

Ti maleighene mammas e animales,

sos omines male fadaos

e sas fiudas de sos sordaos mortos in gherra.

Su numene tu

est muntovau a frastimmu dae s’omine corrudu,

dae sa vitima ‘e sos istrezaris

e dae sos tzegos.

No ti cherzo in ziru peri su mundu,

mala sorte,

bae, e cùadi sutta terra

bae, e lassa in paghe s’umanidade

po como, e po s’eternidade.

⌂⌂⌂⌂⌂⌂

Tu sei il messaggero della disgrazia,/quando arrivi i bambini si spaventano e scappano,/le ragazze si buttano in terra piangendo./Quando ti vede, la speranza vola via e le orecchie si impediscono di ascoltare:/il guaito di volpe assettata di sangue, che è la tua voce./Quando ti metti a ridere/il cielo scurisce/e piovono:/cenere e scintille di fuoco./Tu porti:/cinque anni senza pace/cinque anni di siccità,/e le cinque piaghe./Se ti avvicini,/si asciugano i seni delle madri,/si seccano i capezzoli delle bestie;/bruciano pascoli e boschi,/pianure e colline/e sulle montagne,/evapora la neve senza sciogliersi in acqua./Ti maledicono madri ed animali,/gli uomini sventurati/e le vedove dei soldati morti in guerra./Il tuo nome/è citato come una bestemmia dall'uomo cornuto,/dalla vittima dei farabutti-leccapiedi/e dai ciechi./Non ti voglio in giro per il mondo mala sorte,/vai, nasconditi sotto terra/vai, e lascia in pace l'umanità/per ora, e per l'eternità