Fizu 'e Supramonte

Peppino Marotto

Orgosolo 1925 - Orgosolo 2007

Militante della CGIL e della sinistra, cantante, poeta, scrittore, naturalista. Assassinato vigliaccamente a 82 anni con 6 colpi di pistola alla schiena.  

<> <> <> <> <>

Io l'ho conosciuto nel 1973 in un'occasione tragica: la morte in un incidente sul lavoro di un mio amico e compagno di lavoro che era suo nipote, per tale occasione aveva poi scritto un sonetto: "Sa morte bianca". Da allora abbiamo avuto modo di vederci in diverse altre occasioni, concerti del suo gruppo "tenores di Orgosolo" manifestazioni politiche o sindacali o altre feste e raduni.

Tutti hanno scritto di Peppino Marotto, poeta, scrittore, cantante o sindacalista, io lo ricordo come amante della natura in tutte le sue manifestazioni.

In tutte le poesie e canzoni Peppino palesava il suo profondo sentimento di rispetto nei confronti di tutto ciò che ha a che fare con la natura e in particolare con la montagna.

Peppino Marotto

Qualche tempo dopo la sua morte, ho sentito il bisogno di scrivere qualcosa che me lo facesse ricordare e ho scritto "Fizu 'e Supramonte". Questa poesia l'ho iscritta qualche mese fa alla XVII edizione del Premio Letterario Antonio Gramsci nella sezione Poesia Inedita in Lingua Sarda Premio Peppino Marotto. 

La giuria del Premio l’ha scelta come vincitrice Sabato 12 Giugno 2021 ad Ales nella Casa Natale di Antonio Gramsci.

__________________

Fizu 'e Supramonte 

(di Franco Sotgiu)

In d'una bella notte 'e luna prena

so andadu a dormire a Supramonte
e cun s'isfera lughente de fronte
fit incantada sa montagna amena.

                                Peppino Marotto

T'app'idu,

assonniende in Supramonte,

fizu de Sardigna,

òmine de sa Galàssia.

Ite ses chirchende cun otadas de batalla?

Imboligande e dimanande,

cun sonetos e rimas

sas vidas trumentadas

de pastores e massajos,

su mìseru tribàgliu  de pòberos maniales,

sos milli paperis iscritos dae sos pensadores,

su sàmbene pèrdidu de òmines malevadados.

 

Chircaias, rundande dae unu pianeta a s'ateru

sas lughentes lunas de sos pòberos

e sas friscas benas suta frunzas birdes.

Addoliaias cun versos morte e olvidu,

iscantzellande sos males e sos tempos  iscúros,

rimande s'arbeschida de unu mundu nou.

 

Miraias cun ogos de poeta,

sa notte illuminada dae su sole,

s'amore chi isòlvet s'astragu dae coro,

sos birdes padentes de sos montes tuos,

prenos de vida e de friscura.

 

Ti ch'ant fatu andare gai,

a traitoriu

e apustis de unu istante,

un'alidu de bentu,

giai faltavas a su mundu,

a sos cumpanzos tuos

brigonzosos de dolore,

a Orgosolo chi ti cheriat,

a sas pratzas de Sardigna

chi como,

lagrimande,

chircant sa boghe tua.

Figlio del Supramonte

T'ho visto, dormendo serenamente nel Supramonte, figlio di Sardegna, uomo della Galassia. Cosa stai cercando con ottave battagliere? Avvolgendo e dipanando, con sonetti e con rime le vite tormentate di pastori e contadini, il misero lavoro di oscuri manovali, le mille carte scritte dai pensatori, il sangue versato da uomini sfortunati. Cercavi girando da un pianeta all'altro le lune luminose dei poveri e le fresche sorgenti sotto fronde verdi. Affliggevi coi versi morte e oblio, cancellando i mali e la notte oscura rimando l'alba di un mondo nuovo. Vedevi con occhi da poeta la notte illuminata dal sole, l'amore che scioglie il gelo dal cuore, i boschi verdi delle tue montagne, pieni di vita e di freschezza. T'hanno fatto andar via così, a tradimento e dopo un istante, un alito di vento, mancavi già al mondo, ai tuoi compagni vergognosi di dolore, a Orgosolo che ti voleva, alle piazze di Sardegna che adesso, in lacrime, cercano la tua voce.

***************

Quelle che seguono sono poesie e canzoni scritte da Peppino Marotto

Sa Morte Bianca

Bolotana, ti mando custu cantu

iscrittu cun tristura, a mala gana,

ca tempus fahede, a su campusantu

so bennidu cun mortos dae Ottana

e unu caro nepode hapo piantu,

fizu de sorre mea, Bustiana,

ma vini tres, mandados a s'incantu

da una impresa vile e disumana:

e non pro curpa de sa mala sorte

ca est istada sa morte bianca

cun d'un'iscossa d'elettricu vorte;

ca imezzes d'irrigare sa tanca
hana vattu sa vabbrica 'e sa morte
sos meres de sa terra e de sa banca.

***

Su Supramonte

In-d-una bella notte 'e luna prena

so andadu a dormire a Supramonte

e cun s'isfera lughente de fronte

fit incantada sa montagna amena.

Pariat d'esser in-d-un'artu ponte

ligadu a chelu cun forte cadena:

sa gula de Gorropu in cussa iscena

fit che sa 'uca 'e su regnu 'e Caronte;

No est sa fantasia 'e su poeta

chi delirante cumponet su versu

ma est propiu sa veridade neta

chi pariat unu mundu diversu

antzis unu diversu pianeta
girande cun sa luna in s'universu

***

Sa lotta de Pratobello

Canto a binti de maju sun torrados
Sos pastores in su sesantanoe
Tristos, né untos e nen tepenados.

Su vinti’e santandria proe proe
Fini partidos cun sa roba anzande
Da sa montagna, passende in Locoe;

càrrigos e infustos viaggende
cun anzones in manu a fedu infatti,
su tazzu arressu muttinde e truvande;

avvilidos, pessende a su riccattu
impostu da su mere ‘e sa pastura:
mettade ‘e fruttu e piùsu in cuntrattu.

Est obbligu emigrare in pianura
Pro salvare su magru capitale
Da sos frittos iverros de s’altura.

Tùndene e murghen pro su principale,
ma da su mere e da sa mal’annada
si ristabìlin in su comunale,

ca sa paga ‘e s’affittu est moderada
e poden liberamente pascolare
sen’agattare muros in filada.

Ma in lampadas devene isgombrare
tottuganta sa montagna orgolesa
pro vàghere una base militare.

L’ordina su ministru ’e sa difesa
cun manifestos mannos istampados,
postos in sos zilléris a sorpresa…

che bandu de bandidos tallonados.
E sos pastores cand’han bidu gai,
Sos cuìles in su bandu elencados:

Su pradu, S’ena, Olìni e Olài
Costa de turre cun Su Soliànu,
Loppàna, Ottùlu, Unìare e Fumài;

belle tottu su pasculu montanu
isgombru de animales e de zente
cheret su ministeru italianu,

espostu a su bersàgliu su padente
de bombas e mitraglias e cannone;
dana su bandu: pro motivu urgente

si riúnat sa popolazione
de ambo sessos mannos e minores
bénzana tottus a sa riunione.

S’improvvisana tantos oratores
e decidene de lottare unidos
istudentes, bracciantes e pastores;

d’accordu sindacados e partidos,
proclama cattolicos, marxistas:
sos bandidores síana bandídos…

Serran buttega artigianos, baristas,
e partin tottus, minores e mannos,
pro che cazzare sos militaristas:

pizzinneddos e bezzos de chent’annos
e zovaneddas de sa prima essida
han’indossadu sos rusticos pannos.

Tottu sa idda in campagna est partída,
in càmiu e in macchina minore.
Sa lotta durat piús d’una chida;

a Pratobello finas su rettore
ch’est arrivadu cun su sagrestanu
pro difende su pradu e su pastore…

Sos polizottos cun mitras in manu
Chircaìan sa lotta de virmare,
ma mutìana e currìana invano,

ca dae s’assemblea popolare
ch’in bidda si vaghìa frecuente
sa zente vi decisa a non mollare

e de lottare in modu intelligente
tuttuganta sa popolazione
contra cussu invasore prepotente:

respingere ogni provocazione,
bloccare cun sas massas sas istradas,
impedire s’sercittazione

de sos tiros a sas forzas armadas,
chi calpestare cherìan sas prendas
de sas terras comunes non muradas

dae s’edittu de sas chiudendas.
A sos sordados chi tentan d’esstre,
Sa zente che los tòrrad’a sas tendas,

Finas ch’hana decisu de partire,
unida e forte sa zente orgolesa
sa lotta vi disposta de sighìre.

E cando l’hana raggiunta s’intesa
Sos delegados dae s’assemblea,
a Roma, in su ministru ‘e sa difesa,

sos cumbattenttes de sa idda mea,
fizzos de sa Barbagia de Ollolài,
parìa sos sordados de Corea…

E una lotta de populu gai,
naraìan sos bezzos pili canos,
chi in bida insoro non l’han bida mai.

Tottus sos progressistas isolanos
Solidales, cun tanta simpattia
A Orgosolo toccheddana sas manos
E naran: custa sì ch’est balentìa

CRAS una poesia di Eliano Cau

 

CRAS

di Eliano Cau

A chie as a toccare

terra mia,

isula beneitta,

como pobera ‘e lughe

e anninnìas?

A chie su desertu

de animas viudas

de ispera?

A chie sos padentes

de elighes siccados,

campedas, ‘addes, pranos?

O sas tzittades mudas,

sas frabicas deruttas,

biddas de iscunnortu,

avesas semper a esser ingullìdas

dae su primu istranzu,

amigu castigadu

de su medianeri

prus famìdu?

Disterrados de ora,

cun alas e navios

de chimeras

sos coros prus balentes,

cantu balentes sunt

custos abbetiòsos,

ligàdos a su coro

de una raighìna

chi non siccat.

Pro chie ‘enit su cras,

si cras ch’at aer?

Tuvas, tuvas inchèsas

brusant in aterue,

e in sa soledade

de Sardigna.

Ca sunt làntias bias

de amore,

sas unas a sas ateras istrintas,

pro illughentare custas tulas frittas,

a fizos nostros,

pìttighes noales.

*****

DOMANI

 

A chi andrai in sorte

terra mia,

isola benedetta,

ora povera di luce

e dolci nenie?

A chi il deserto

di anime vedove

di speranza?

A chi le foreste

di lecci disseccati,

gli altipiani, le valli, le pianure?

O le città mute,

le fabbriche crollate,

i paesi infelici,

avvezzi sempre a essere ingoiati

dal primo forestiero,

amico maligno

del mediatore

più ingordo?

Esiliati da tempo,

con ali e navi

di sogni,

i cuori più valorosi,

come

questi altri tenaci

legati al cuore

di una radice

che non dissecca.

Per chi verrà il domani,

se domani dovrà esserci?

Falò, falò accesi

bruciano altrove,

ma anche nelle solitudini

di Sardegna.

Perché sono lucerne vive

d’amore,

le une strette alle altre,

per scaldare di luce queste terre ora gelide

ai nostri figli,

teneri arboscelli.

 

 

Nadale 2020

 de Frantziscu Sotgiu Melis Pes

NADALE 2020

Ti faghes mannu

ca su tempus t'at mortu ùndighi frades

e abbarras solu tue

urtimu inutile testimonzu de cust'annada mala.

Ma ses unu pòberu improsàu.

Oramai no contas nudda:

àteros tempos,

àteros annos,

àteros nadales,

ischiant mutire su fritu.

Su deus de s'ierru

beniat a ti chircare

ispraghinde traschias de nie

e pétalos de àstragu.

Paris bochiaizis a fritu

fintzas s'omine prus sanu.

 

Como, siscuru tue,

t'inchet peri su 'entu 'e sole

e custas dies

binchent in cardu

sas caentes dies de arbile.

 

Bae,

a mai prus nos bier

tue e su 2020.

Chi sa memòria 'e s'omine

potzat cantzellare

sos ammentos malos

de cust'annada malaita.

________________________________

DICEMBRE 2020

Ti fai grande

perché il tempo ti ha ucciso undici fratelli

e rimani solo tu

ultimo inutile testimone di quest’annata cattiva.

Ma sei un povero illuso,

ormai non conti più nulla

altri tempi,

altri anni,

altri dicembre.

sapevano chiamare il freddo.

 

Il dio dell’inverno

veniva a cercarti

spargendo bufere di neve

e petali di gelo.

Insieme uccidevate col freddo

anche l’uomo più sano.

 

Ora, povero te,

ti vince perfino lo scirocco

e queste giornate

vincono in caldo

i caldi giorni di aprile.

 

Vai,

a mai più vederci

tu e il 2020.

Che la memoria dell’uomo

possa cancellare

i cattivi ricordi

di questa maledetta annata.

Sa rana (La rana)

de Franco Sotgiu

Custa poesia mia, at binchidu  su segundu premiu a su: 

PRÈMIU DE POESIA BUSACHI  - “A sa moda ‘e Busache” 2020.

S’isperimentu de sa rana buddia est istadu fattu in sa “John Hopkins University” in su 1882. Sos chircadores de s’Universidade ant bisu chi bettandeche sa rana in d’una padedda de abba buddia, issa semper brinchiat a fora pro si sarbare. Invetzes ponindela in sa padedda cun s’abba fritta e caentande sa padedda abellu abellu ma chena ismittede, sa rana finiat semper buddia.

Noam Chomsky, un’iscienziau, filosofu e meda ateru, de Filadelfia (USA) in su libru “Media e Potere” at torrau a pigare cust’assempru, nande chi tale printzipiu in sa sotziedade moderna benit usadu die pro die in sas ténnicas de manizu de sas massas e de sas cussentzias.

Su printzipiu de sa rana buddia nos faghet bier chi cando unu cambiu sutzedit abellu, diventande guasi invisibile, che fuit a sa cussentzia e non nos faghet bier perigulos e po cussu no provocat in sa parte manna de s’umanidade nessuna reatzione, nessun’opponimentu, nessun’ arrempellu. Custu sutzedit poite semus semper e fittianamente ammuntados de informatziones dae parte de sos mezos de informatzione. Sas mentes benint alloriadas e no renessint prus a pentzare e a fagher rasonamentos, pro cussu si diventat alienados de unu sistema  chi nos guvernat comente li piaghet.

Noam Chomsky narat: “Si abbaidamos su chi capitat in sa sotziedade nostra dae paritzos annos, nos abizamos chi semus agguantande un’istesiadura lena e a cussa nos abituamos. Medas cosas chi nos aiant fattu arrore  20, 30 o 40 annos faghet, a pagu a pagu sunt diventadas de pagu imprastu, indurcadas e – oe – nos istrobban solu in manera lebia o lassant de seguru indifferentes su prus de sas pessonas. In numene de su progressu e de s’iscentzia, sos peus attentados a sas libertades de s’individuu, a sa dignidade de sa pessona, a s’integridade de sa natura. a sa bellesa e a sa felitzidade de bivere, los faghene abell’abellu e inesorabilmente cun sa cumplitzidade de sos malassortados, ignorantes e pagu abbistos”.

 Sa beridade est chi custas pessonas sunt giai mesu buddias, sunt sos drommios, sos zombi de custa sotziedade. Sa fine issoro at a essere s’istessa de sa rana buddia.

Bisonzat brincare! E abbaidai bene, no est chi si devet fuire, ma si depet parare fronte a sa situassione, isaminare sas solusciones possibiles, prima che siat troppu attraddu.

 

Sa rana

(Franco Sotgiu)

Fiat pren’ 'e abba frisca una tiàna,

cun d'una pampa ben'atzesa suta.

Intro bi fit nadende una rana,

su fogu caentaiat s'abba gut’a guta.

 

E prus s'intebiaiat cuss'abba sana,

menzus biviat sa ran’ in cussa muta.

Intendiat aumentande sa cardana,

ma no pentziat de faghet fine bruta.

 

Su fogu suta intantu brusiaiat

e s'abba aumentaiat de callentare,

s’anfibbiu ‘e tzaculàre s' istrachiat

 

ma chena fortzas no podiat brincare,

e cando biet chi s'abba l'est bochinde

tando at pentzau: "Ohi chi so morinde".

 

Si sa matessi rana l' 'iana imberta

in sa tiàna cun s'abba giai ‘uddida,

brincande a foras si che fit fuida

chena ne brusiadura e nen ferta.

 

E non mi narzes ch'est un'iscoberta,

chi cale si siat cosa essende bia,

in car’ a su perigliu agatat s’ ’ia,

de si fuire de una morte tzerta.

 

Pro s'òmine, su seber’ est matessi,

si s'abizat de inue benit su male,

chircat in donzi mod’ e si sarbare,

 

brincand' a fora cando bi renessi(t).

Ma si che-i sa rana est collonau,

morit in s'abba solu e iscotau.

          *****

Questa mia poesia ha vinto il secondo premio al 

PRÈMIU DE POESIA BUSACHI - “A sa moda ‘e Busache” 2020. 

L’esperimento della rana bollita è stato fatto alla “John Hopkins University” nel 1882. I ricercatori hanno visto che lanciando la rana in una padella di acqua bollente, sempre saltava fuori per salvarsi. Invece mettendola in una padella di acqua fredda e scaldando piano piano l’acqua senza interruzioni, la rana finiva sempre bollita.

Noam Chomsky, scienziato, filosofo e molto altro, di Filadelfia (USA) nel libro “Media e Potere” ha ripreso l’esempio dicendo che tale principio nella società moderna viene usato giorno per giorno nelle tecniche di manipolazione delle masse e delle coscienze.

Il principio della rana bollita ci fa vedere che quando un cambiamento succede piano piano, diventando quasi invisibile, sfugge alla coscienza e non ci fa vedere pericoli e per quello non provoca in gran parte dell’umanità nessuna reazione, nessuna opposizione, nessuna ribellione. Questo succede perché siamo sempre quotidianamente sommersi di informazioni da parte dei mezzi di informazione. Le menti vengono confuse e non riescono più a pensare e a fare ragionamenti, per quello si diventa alienati di un sistema che ci governa a suo piacimento.

Noam Chomsky dice: “Se guardiamo ciò che succede nella nostra società da alcuni decenni, ci accorgiamo che stiamo subendo una lenta deriva alla quale ci abituiamo. Un sacco di cose, che ci avrebbero fatto orrore 20, 30 o 40 anni fa, a poco a poco sono diventate banali, edulcorate e – oggi – ci disturbano solo leggermente o lasciano decisamente indifferenti la gran parte delle persone. In nome del progresso e della scienza, i peggiori attentati alle libertà individuali, alla dignità della persona, all’integrità della natura, alla bellezza ed alla felicità di vivere, si effettuano lentamente ed inesorabilmente con la complicità costante delle vittime, ignoranti o sprovvedute”.

La verità è che queste persone sono già mezze bollite, sono i dormienti, i zombi di questa società. La loro fine sarà identica a quella della rana bollita. Bisogna saltare! E badate bene, non si tratta di fuggire, ma di affrontare la situazione ed esaminare le possibili soluzioni, prima che sia troppo tardi.

La rana

(Franco Sotgiu)

Era pieno d’acqua fresca un tegame,

con una fiamma ben accesa sotto.

Dentro ci nuotava una rana,

il fuoco scaldava l’acqua goccia a goccia.

 

E più l’acqua diventava tiepida

meglio viveva la rana in quella situazione.

Sentiva che il caldo aumentava,

ma non pensava di fare una brutta fine.

 

Il fuoco sotto intanto bruciava

e l’acqua diventava sempre più calda,

l’anfibio si stancava di sguazzare

 

ma gli mancavano le forze per saltare,

e quando vede che l’acqua l’ uccideva

allora ha pensato: “Ohi che sto morendo”.

 

Se la stessa rana l’avessero immersa

nel tegame con l’acqua già bollente,

balzando fuori sarebbe scappata

senza ne scottatura ne ferita.

 

E non dirmi che è una scoperta,

che qualsiasi cosa essendo viva,

di fronte al pericolo trova la via,

per salvarsi da una morte certa.

 

Per l’uomo, la scelta è la stessa,

se si accorge da dove arriva il male,

cerca in tutti i modi di salvarsi,

 

e salta fuori quando ci riesce.

Ma se come la rana viene imbrogliato,

muore nell’acqua solo e bollito.

Una notte in d’una pratza de Aristanis

 

Una notte in d’una pratza de Aristanis

 

Una notte ’e ierru astragosa

un tziu chi connoschìo, fit setzidu

subra una pedra in sa carrela.

 

Li naro:

 

«Pigande sa friscura sennor Carlo?»

 

«Ma cali friscura, castia in celu is isteddos

e Venere bella.»

 

«Castio, castio, bellu pianeta,»

 

«Ma cali pianeta,

castia a pabas,

cuss’isteddu,

castia a Luxia mia bolada in celu.»

 

Passiat sas nottes gai,

mirandesi a Luxia sua bolada in chelu,

setzida a palas de Venere bella.

                          

                   *****

Una notte in una piazza di Oristano

Una gelida notte d’inverno

un signore che conoscevo, era seduto

su una pietra nella via.

 

Gli dico:

 

«Prendendo il fresco signor Carlo?»

 

«Ma quale fresco, guarda il cielo le stelle

e Venere bella.»

 

«Guardo, guardo, bel pianeta,»

 

«Ma quale pianeta,

guarda alle sue spalle,

quella stella,

guarda la mia Lucia volata in cielo.»

 

Passava le notti così,

guardandosi la sua Lucia volata in cielo,

seduta alle spalle di Venere bella.

Pintande Frores

poesia de Franco Sotgiu

Cun paràulas furadas

de Franco Sotgiu

Una poesia scritta in piena pandemia e in pieno confinamento. Ha partecipato al Premio Regionale di Poesia a tema imposto intitolato #Abarraindomotua# nella sezione riservata ai poeti originari di Sedilo, ricevendo una menzione.

Cun paràulas furadas

Tenzo gana de iscrier' una poesia,

cun paràulas furadas,

dae àteras poesias abbandonadas,

pèrdidas in sa 'ia.

L'iscrio pro cust' 'eranu presoneri,

inue no bio colores,

nen de pitzinnos, de aes, nen de frores.

Nen bentu passizeri.

Iscrio custa poesia pro sa passèntzia,

pro mantennere s'ispera cada die,

pro chie s'est cumbattende s'esistèntzia,

pro ch' abbarramos sanos tue e mie.

Contende de nd'essire binchidores,

contra custu invisìbile nemigu.

Una poesia sinnada dae  dolores

pro tottus sos lassados chen' abrigu.

Una poesia pro a tie Sardigna amada,

chi ses bivind' in pena,

pro fizos tuos sufrind' in terr' anzena.

Pober' abbandonada.

Una poesia pro a tie Virus malinnu,

chi ti sicchet in prenu,

cun versos tostos prenos de velenu,

chi no nd'abbaret sinnu.

***

Con parole rubate

Ho voglia di scrivere una poesia,

con parole rubate,

da altre poesie abbandonate,

perdute nella via.

La scrivo per questa primavera prigioniera,

dove non vedo colori,

né di bambini, di uccelli, né di fiori,

né vento passeggero.

Scrivo questa poesia per la pazienza,

per conservare la speranza  ogni giorno,

per chi sta combattendo per la sua vita,

perché restiamo in salute tu ed io.

Contando di uscirne vincitori,

contro questo invisibile nemico.

Una poesia segnata dai dolori,

per tutti quelli lasciati senza una protezione.

Una poesia per te Sardegna amata

che stai vivendo in pena,

per i tuoi figli che soffrono in terra straniera. 

Povera abbandonata.

Una poesia per te Virus maligno,

che ti secchi in pieno,

con duri versi pieni di veleno,

che di te che non resti neanche il segno.