Merintzana e Lunedda

                            

 Custu contu at partetzipadu a sa XXX Editzione Prèmiu Literàriu  Montanaru 2022

de Desulo, arribande a su tertzu postu. Custa sa motivassione de sa Giuria:

“Sa bellesa de sa natura pompiada cun sos ogros de una pitzinna, Merintzana. S'amistade cun Lunedda, arribada dae chelu, un'amiga galana chi l'accumpanzat in dies de beranu e de ierru suberende su tempus e de sas istajones. Unu meledu subra sos dannos chi s'òmine faghet a sa terra sua chircande profitu e richesa. S'innossentzia de Merintzana po contare chi s'ambiente e sa bellesa sunt benes pretziosos de amparare e carignare po su benente de fizos nostros.”

Merintzana e Lunedda

de  Franco Sotgiu

 

Biviat cun su babbu e sa mama in una domighedda  chi s'acaraiat a s'ispiàggia comente totus sas àteras domos de cussa biddighedda in s'oru e mare. 

Su sole callentaiat òmines e feminas, pitzinnos e bestias guasi donzi santa die de s'annu e fintzas in sas dies prus fritas de su mese de bennarzu, a domo issoro su fritu no b'intraiat. In cussa bidda in s'oru de mare no proiat azumai nudda e fintzas dies annuadas si nde bidiant pagas.

Si mutiat Merintzana, teniat ses annos e sigomente in ziru in cussas domos, àteras pitzinnas po giogare no bi nde aiat, dae cando teniat pagos meses si fiat abituada a tènnere comente cumpanzos unu gattu, unu catzeddu, e fintzas a cando li fiat duradu, unu cunillu. Animales masedos chi no la lassaiant sola.

Teniat fintzas àteros cumpanzos chi faghiant parte de sas dies suas, fiant sos puzones mannos chi donzi die falaiant bolende dae chelu e istrampaiant cun d'unu istripitu de alas in mesu sas barcas de sos piscadores a pagos metros de s'oru e mare. Los connoschiat giai totus: perdezorronadas mannos e piticos, crobos marinos e crobos ambiddarzos. Sos chi prus li praghiant e chi la faghiant abarrare incantada a los mirare fiant sas Zentes rujas chi semper beniant a colare tempus in s'isprigu de mare acanta a sa biddighedda sua.

Tzertos seros capitaiat chi su gattu andaiat po contu su chirchende abenturas, su catzeddu movende sa coa alligru sighiat su babbu de sa pitzinna pastore e piscadore chi andaiat a su cuile po collire in s'acorru sas pagas berbeghes chi teniat e sa mama fiat in coghina preparende sa chena. Cussos seros, issa bessiat a fora e si setziat in sa rena de s'ispiàggia. A cuss'ora de sero, cuadu su sole, puzones no bi nd'aiat e Merintzana abaidaiat sa luna chi s'isprigaiat in s'abba pàsida de su mare. Abarraiat inie fintzas a cando no torraiat su babbu e sa mama la mutiat: «Merintzà, sa chena est pronta, beni e setzidi a papare.»

Capitaiat medas bortas, in totu sas istajones. Cando s'abbassaiat  meda sa temperadura de s'aria si poniat unu malioneddu chi l'amparaiat de su fritu.

Unu sero chi fiat inie, sètzida in sa rena de s'ispiàggia, s'aiat pigadu un'assustu chi po pagu no l'aiat fata torrare a domo currende fùsida.

Aiat intesu subra conca unu tzichìrriu forte, e sùbitu apustis, in su matessi tempus un'ispètzie de musinada de bentu chi l'aiat fatu bentulare sos pilos e un’ischimuzu comente de carchi cosa chi ruiat in mare faghende pesare un'isprutzu de abba chi li fiat arribadu a sos pes infundindelos. Luego aiat bidu, chi inue fintzas a pagos istantes prima bi fiat sa luna chi s'isprigaiat in s'abba, apustis l'aiat unu puzone chi, po sa mannesa, po su tzugu longu e po comente si moviat, pariat propriu unu zovanu Zente ruja.

«Oh!» aiat nadu Merintzana «Ses arribadu dae chelu, m'as cuadu sa luna ponindedi a su postu su? e tando cheret nàrrere chi po nùmene ti ponzo Luneddu.» Su Zente ruja non si nde fiat curadu meda, fiat abarradu sulenu e pàsidu a isetare s'incràs manzanu. Comente si fiat zirada, sa pitzinna aiat bidu su catzeddu chi in cussu momentu fiat torrende dae su sartu cun su babbu, fiat su sinnu chi depiat torrare a domo prima chi sa mama la tiat mutire.

Sa die apustis giai a manzanu chitzo, impressia de cherrer bìere si su Zente ruja fiat ancora inue l'aiat lassadu su sero prima, fiat bessida a abbaidare e l'aiat bidu propriu in su matessi zassu a su postu de sa luna.

Cuntenta aiat pentzadu chi teniat un'amigu nou: «Ciao, Luneddu, comente andamus oe?» L'ait nadu a boghe arta. Su Zente ruja si fiat ziradu cara a issa, l'aiat abaidada pro pagos segundos e movende abellu sas francas longas, si che fiat istesiadu de carchi metro comente a nàrrere amigos semus amigos, ma mantenimus unu pagu de distàntzia. Si si podiat nàrrere distàntzia su fatu chi istaiat a màssimu a sete, oto metros dae issa. Merintzana no aiat, fintzas a sa die, bidu dae gai acanta unu Zente ruja e tando, invetzes, cherende li podiat contare un’a una fintzas sas pinnias chi giughiat in alas. Fiat artu nessi cantu issa, de seguru prus de unu metro e binti tzentìmetros, essende unu zovane, fiat galu de colores arbu e murru cun su bicu russu e arbu ma cun sa metade acanta a sa punta, de colore nieddu. Sas francas longas, prus longas de cussas de totus sos àteros puzones chi connoschiat, pro unu cuartu fiant intro s'abba comente su bicu cando morigaiat s’abba pro chircare nudrimentu.

In s’isprigu de abba acanta a  inue si setziat Merintzana l’aiat àteros Zente ruja, puzones oramai maduros cun sos colores giai cumpridos: sos tràmpulos, guasi totus sas pinnias e sa parte arta de su bicu rujos.

Su babbu chi connoschiat bene sos puzones chi frecuentaiant cussos mares, cando l’aiat bidu, aiat nadu a Merintzana chi cussu Zente ruja fiat femina e duncas lu depiat mutire Lunedda e no Luneddu e chi manu a manu chi creschiat, in su ziru de tres o bator annos issa puru tiat a tennere cussos colores. Càpitaiat e càpitat proite sos Zente ruja cando mòrigant s’abba pro papare, agatant cun sos àteros crostatzeos minoreddos,  fintzas cambareddas chi cuntenent sustàntzias chi faghent pigare sos colores rosa e ruju a sas pinnias issoro.

In sas dies de beranu e de istiu Merintzana sighiat a andare a s’ispiàggia pro visitare Lunedda. No semper l’agataiat, paritzas bortas, issa pigaiat su bolu con cumpanzas e cumpanzos e andaiat a bisitare àteras abbas: istainos, pischinas e fintzas sas risajas cando àpenas semenadas dae sos massajos beniant allagadas e pariant unu lagu cun sas abbas bassas, propriu comente sas abbas chi praghiant a sas Zente ruja.

In cussas dies Merintzana fiat annuzada. Si consolaiat cun su gattu e carchi borta cun su catzeddu, chi peròe oramai crèschidu, passaiat semper prus tempus in su cuile a tentare sas berbeghes.

 Comente fiat arribadu s’atonzu, in su mese de cabudanni Merintzana aiat comintzadu a andare a iscola. Unu postaleddu beniat a sa idda in s’oru ‘e mare e che leaiat sa pitzinna a iscola in tzitade. Àpenas  torraiat, faghiat sos còmpitos e sùbitu apustis curriat a s’ispiàggia a saludare Lunedda e la mutiat: «Lunedda! Lunedda! so torrada, comente istas?» e Lunedda rispondiat: «Cro, cro, cro!» cun sos sonos chi li bessiant dae su guturu ma chi pariat propriu chi li fiat rispondende.

In iscola puru, medas bortas pensaiat a cuss’amiga pinnuda chi teniat in mare, nde faeddaiat cun sos cumpanzeddos e una borta fintzas cun sa mastra, chi sùbitu, comente còmpitu aiat fatu fàghere a totus, su disinnu de sa Zente ruja. Cando si fiat ispràghida sa boghe, de cussa pitzinna chi teniat una Zente ruja pro amiga, carchi babbu e carchi mama partende dae sa tzitade, aiant comintzadu a acumpanzare sos fizos a bisitare Merintzana e Lunedda in s’ispiàggia.

Cun su colare de su tempus, mese pro mese sa trampùlera aiat comintzadu a mudare su colore de sas pinnias, a su comintzu unu colore murru-rosa e apustis, medas pinnias, sas francas e su bicu sunt divendados rujos. Pro Lunedda comintzaiat su tempus de sa maduresa.

Cuss’annu, comente capitaiat medas bortas in custa Sardigna nostra suzetta a sas brullas de su tempus, aiat fatu un’atonzu de sicagna. Sos Zente ruja chi in sas istajones normales in cussos tempos frequentaiant sas pischinas e sos istainos, cun su sicu de cussos meses pro si alimentare abarraiant in sas renas bassas de mare. A dolu mannu, fintzas in cussas abbas, in cussa muta, agataiant pagas cambareddas e pagos àteros crostatzeos.

Una domìniga manzanu de su mese de Sant’Andria, Merintzana prima de s’ora de ismurzare, fiat crèfida andare a saludare Lunedda. Sùbitu, si fiat abizada chi carchi cosa no andaiat bene.

Lunedda fiat a sa sola in d’un’ oru de ispiàggia atesu dae sos àteros Zente ruja e galu prus atesu de su tretu inue si poniat cando Merintzana andaiat a la chircare. Invetzes de èssere cun su bicu a intro s’abba papande, lu giughiat ziradu cara a su tzugu longu.

Merintzana aiat chircadu de s’acostiare su prus possibile a s’amiga pinnuda e aiat bidu chi atrotzada in sa franca destra, zughiat un’atzola pilisada de lentza de piscare. Cussa lentza malaita, la giughiat atrotzada fintzas in sa franca manca e galu peus, duos o tres ziros l’istringhiant su tzugu.

Merintzana si fiat abizada sùbitu, chi pro cussu su tzugu si fiat unfradu in sa parte arta e si cumprendiat chi istringhiat meda su gùturu de Lunedda, no faghiat passare su màndigu e li provocaiat dolore e difitzilidade in s’alenu.

Su bicu lu giughiat ziradu cara a tzugu poite chircaiat de che liberare su gùturu bicande sa lentza, ma donzi borta chi provaiat, capitaiat a s’imbesse: sa lentza l’istringhiat semper prus su gùturu.

Merintzana fiat torrada a domo currende e pranghende. Sa mama chi l’aiat bida gai annuzada, l’aiat sighida in s’ispiaggia e apustis a s’ispiaggia fiat andadu fintzas su babbu, torradu dae su cuile.

Òmine chi connoschiat puzones, animales e pisches, ischiat chi si s’accostiaiat cara a Lunedda, issa s’istesiaiat e no si faghiat sighire dae nemos, ma bidende sa pitzinna annuzada e in lambrigas aiat chircadu de s’accostiare a sa Zente ruja. Comente fiat arribadu a otto-deghe metros dae issa, Lunedda aiat comintzadu a mòvere sos trampulos e aiat pigadu su bolu. Si bidiat chi fiat unu bolu malàidu, bolaiat resente a su mare a carchi deghina de tzentìmetros subra s’abba, mai idu una Zente ruja bolare gai. Apustis pagu prus de una chimbantina de metros sa Zente ruja  si fiat frimada torrende a ponner sas francas in abba.

A s’ora de s’iscurigadòrzu su babbu de Merintzana cun un’amigu su piscadore, aiant pigadu sa barca e un’àteru amigu si fiat bestidu cun s’atretzadura de sub. Sos tres aiant tentadu de s’acostiare dae su chirru de mare, ma Lunedda si che fiat bolada comente aiat fatu su manzanu. Torradu a domo annuzadu e iscorazadu, at mutidu cun su telefono su  veterinaju, contandeli su chi fit capitende.

Issu li aiat cossizadu de no sighire a istrobare Lunedda chirchende de la abrancare po li che segare sa lentza, ca tantu ischiat chi no li fiat resessiu. S’ùnica possibilidade fiat chi Lunedda, apustis dies chena alimentos, tiat essere bistada dèbile a su puntu de no resessere a si fuire e tando lestros che la podiant pigare, trantzire sa lentza dae tzugu e leare a s’ ambulatòriu po la curare.

 Sas dies apustis Merintzana andaiat a s’ispiaggia ma Lunedda abarraiat atesu. Si pompiaiant ambas annuzadas,  Lunedda cun sos ogos guasi serrados e mancari Merintzana chircaiat de la mutire, no resessiat mancu a piulare unu “cro cro” a sa pitzinna.

Unu manzanu chitzo, prima chi tiat colare su postale de s’iscola sa pitzinna fiat crefida andare a abbaidare sa zente ruja, pariat chi si l’intendiat in s’ànimu. Comente sì che fiat accostiada a s’ispiaggia aiat bidu chi sa Zente ruja fiat corcada in sa rena e no in mesu ‘e s’abba, istaiat male, meda male. Currende l’aiat pigada in bratzos e che l’aiat leada a domo sua mutinde: «Mama mama piga sas fòrtzighes, depimus sarbare Lunedda.».

Li ch’aiant segadu po primos sos ziros de lentza chi giughiat in tzugu e a apustis s’atzola chi l’inghiriaiat sas cambas e las atrotzaiat. Merintzana aiat comintzadu a li carignare su tzugu e a lu frigare inue fiat unfradu. Lunedda aiat serradu sos ogos faghende assustare sa pitzinna chi aiat pensadu chi s’amiga fiat morta, aiat chircadu de li fagher bufare abba ma no nde aiat crefidu.

Apustis de un’iscuta fiat torradu su babbu e paris aiant detzisu de che leare sa Zente ruja a s’ambulatòriu. Sa pitzinna si fiat sètzida  in sa machina de su babbu in su sedile in dae-segus cun Lunedda in bratzos sighinde a frigare su tzugu a su puzone.

Arribados a s’ambulatòriu, aiant corcadu Lunedda subra de una mesa, su veterinaju cun una siringa aiat pigadu unu pagu de sambene de su puzone pro lu analizare e luego l’aiat postu un’àtera siringa de flebo pro li dare sùbitu sas sustantzias chi li fiant mancadas in cussas dies ameschiadas a sas meighinas.

Un’ora apustis Lunedda aiat comintzadu a faghere «Cro, cro!» e Merintzana aiat cumpresu chi s’amiga istaiat menzus e che podiat sanare.

Faeddende cun su veterinaju babbu e fiza aiant detzisu de che leare sa Zente ruja a domo issoro po su tempus chi bastaiat a sanare. Su veterinaju lis aiat promissu chi colaiat a bisitare su puzone totu sas bortas chi podiat serbire.

Prima de torrare sa Zente ruja a sa pitzinna, faghindesi azuare dae su babbu de Merintzana, su veterinaju aiat postu in ambas sas francas de su puzone un’aneddu: de allumìniu lèbiu in sa franca manca e de prastica niedda cun s’iscrita arba “OLMM” in sa franca destra, gai in tempus benidore, sos istudiosos podian reconnoschere cussa zente ruja sarbada dae sa morte dae una pitzinna chi li fit amiga e chi la cheriat bene.

Po una chida, Merintzana aiat bìvidu solu pro Lunedda, dandeli sas meighinas iscritas dae su veterinaju, leandechela in bratzos a s’ispiaggia po la faghet torrare a abituare a si chircare su mandigu a sa sola, faghindeli  cumpanzia, zogande cun issa, carignandela e dandeli  basos druches. Apustis de cussa chida, sa Zente ruja sanada, fiat torrada a s’ameschiare cun sos àteros puzones, a bolare cun issos in istainos e pischinas, in frùmenes e mares ma torrende donzi tantu a fàghere bisita a Merintzana in s’ispiaggia de sa biddighedda in s’oru ‘e mare.

Si carchi borta bos càpitat de bìere cussos galanos puzones arbos e rujos, cun sos artos trampulos e su tzugu longu chi mutint faghende «Cro, cro!», abbaidade si bi nd’at unu chi giughet un’aneddu de prastica niedda cun s’iscrita arba “OLMM”, podet èssere chi siazes bidende a Lunedda.  

*****

 Questo racconto ha partecipato alla XXX Edizione del Premio Letterario Montanaru di Desulo, vincendo il terzo premio. Questa la motivazione della giuria:   

“La bellezza della natura vista con gli occhi di una bambina, Merintzana. L’amicizia con un fenicottero, Lunedda arrivata dal cielo, un’amica preziosa che l’accompagna nelle giornate di primavera e dell’inverno superando il tempo e le stagioni. Una riflessione sui danni che l’uomo provoca alla sua terra cercando profitto e ricchezza. L’innocenza di Merintzana per raccontare che l’ambiente e la bellezza sono beni preziosi da amare e da proteggere per il futuro dei nostri figli.”

Merintzana e Lunedda

di Franco Sotgiu 

 

 

Viveva col babbo e la mamma in una casetta che si affacciava sulla spiaggia come tutte le altre casette di quel paesino in riva al mare. 
Il sole scaldava uomini, donne, bambini e animali quasi ogni santo giorno dell’anno e anche nelle giornate più fredde  del mese di gennaio a casa loro il freddo non entrava. In quel paese in riva al mare non pioveva quasi nulla e anche giornate annuvolate se ne vedevano poche.
Si chiamava Merintzana, aveva sei anni e siccome in giro in quelle case, altre bambine per giocare non ce n’erano, da quando aveva pochi mesi si era abituata ad avere come compagni un gatto, un cagnolino, e fino a quando era durato, un coniglio. Animali domestici che non la lasciavano da sola.
Aveva anche altri compagni che facevano parte delle sue giornate, erano i grandi uccelli che tutti i giorni scendevano dal cielo volando e atterravano con un batter d’ali in mezzo alle barche dei pescatori a pochi metri dalla riva. Li conosceva già tutti: aironi e garzette, gabbiani reali e cormorani. Quelli che le piacevano di più e qualche volta la facevano restare incantata a osservarli erano i fenicotteri che sempre venivano a trascorrere il tempo nello specchio di mare vicino al suo paesino.
Certe sere succedeva che il suo gatto se ne andava per suo conto cercando avventure, che il cagnolino, allegro, dondolando la coda, seguiva nell’ovile il babbo pastore e pescatore che andava a raccogliere nel recinto le poche pecore che aveva e la mamma era in cucina che preparava la cena. Quelle sere, lei usciva fuori e si sedeva in spiaggia nella sabbia. A quell’ora, andato via il sole, uccelli non ce n’erano e Merintzana guardava la luna che si specchiava nell’acqua placida del mare. Restava lì fino a quando non rientrava suo padre e la mamma la chiamava: «Merinzà, la cena è pronta, vieni e siediti a tavola.»
Succedeva  spesso, in tutte le stagioni. Quando la temperatura dell’aria si abbassava molto, indossava un maglioncino che la riparava dal freddo.  Una sera che era lì, seduta sulla sabbia, s’era presa uno spavento che per poco non l’aveva fatta rientrare di gran corsa a casa.
Aveva sentito sopra la testa un forte stridio e subito dopo contemporaneamente una sorta di colpo di vento che le aveva sollevato i capelli ed un rumore come di qualcosa che era caduta in mare sollevando uno spruzzo d’acqua che le arrivò sui piedi bagnandoli.
Subito aveva visto che nel posto dove fino a pochi attimi prima era riflessa la luna, c’era un uccello e sembrava per grandezza, per il collo lungo e per le movenze, proprio un giovane fenicottero.
«Oh!» aveva detto Merintzana «Sei arrivato dal cielo, mi hai nascosto la luna mettendoti al suo posto? e allora facciamo che ti metto come nome Luneddu..»
Il fenicottero non aveva battuto ciglio ed era rimasto lì calmo e sereno ad aspettare l’alba del giorno dopo.
Come si era girata, la bambina aveva visto il cagnolino che in quel momento rientrava dalla campagna con suo padre, era il segno che doveva rientrare a casa prima che sua madre la chiamasse.
Il giorno successivo già di primo mattino, aveva fretta di vedere se Luneddu era ancora dove l’aveva lasciato la sera prima, uscì per controllare e lo vide proprio nello stesso spazio al posto della luna.
Felice, aveva pensato di avere un nuovo amico: «Ciao, Luneddu, come andiamo oggi?» Le aveva detto a voce alta, il fenicottero si era girato verso lei, l’aveva guardata per pochi secondi e muovendo piano piano le lunghe zampe, si era allontanato di qualche metro. come a dire amici siamo amici, ma teniamo un po di distanza. Se poteva dirsi distanza il fatto che stava al massimo a sette otto metri da lei. Merintzana, non aveva fino a quel giorno, visto da così vicino un fenicottero, invece. in quel momento, volendo poteva contarle una ad una anche le penne delle ali.  Era più alto di lei, sicuramente più di un metro e venti centimetri, essendo un giovane, aveva ancora una colorazione bianca e grigia col grosso becco bianco ma con la metà vicino alla punta di colore nero. Le zampe lunghe, molto più lunghe di quelle degli altri uccelli che conosceva, per un quarto erano dentro l’acqua così come il becco quando smuoveva l’acqua per nutrirsi.
Nello specchio d’acqua vicino a dove si sedeva Merintzana c’erano anche altri fenicotteri, uccelli ormai maturi con i colori già compiuti: trampoli, quasi tutte le penne e la parte alta del becco rossi.
Il babbo che conosceva bene gli uccelli che frequentavano quei posti, quando l’aveva visto, aveva  spiegato a Merintzana che quel fenicottero era femmina, quindi doveva chiamarlo Lunedda non Luneddu e che mano a mano che cresceva  anche lei avrebbe avuto quei colori. Succedeva e succede perché quando i fenicotteri si alimentano, trovano tra gli altri minuscoli crostacei anche dei gamberetti che contengono sostanze che fanno assumere delle colorazioni rosa e rosse alle loro piume e penne.
Nei giorni della primavera e dell’estate Merintzana continuò ad andare in spiaggia e far visita a Lunedda. Non sempre la trovava, spesso lei prendeva il volo con i suoi simili, insieme andavano a visitare altri specchi d’acqua: stagni, zone paludose e anche le risaie quando, appena seminate dai risicultori, venivano allagate e sembravano laghetti con acque basse, proprio come le acque che piacevano ai fenicotteri.
In quei giorni Merintzana era triste. Si consolava col gatto e qualche volta col cagnolino che però ormai cresciuto, passava sempre più tempo nell’ovile ad accudire le pecore.
Giunto l’autunno, nel mese di settembre Merintzana aveva iniziato ad andare a scuola. Uno scuolabus arrivava nel paese in riva al mare e portava la bambina a scuola in città. Appena rientrava, la bambina faceva i compiti e subito dopo correva in spiaggia a salutare Lunedda e la chiamava: «Lunedda! Lunedda! sono  tornata, come stai?» e Lunedda rispondeva: «Cro, cro, cro!» con i suoni che gli uscivano dalla gola ma che  sembrava proprio che le stesse rispondendo.
     Anche a scuola, spesso pensava a quell’amica pennuta che aveva in mare, ne parlava con i compagnetti, una volta ne parlò anche con la maestra che diede a tutta la classe il compito di disegnare un fenicottero.
Quando si sparse la voce, di quella bambina che aveva per amica un fenicottero, qualche genitore, partendo dalla città iniziò ad accompagnare i figli a far visita a Merintzana e Lunedda nella spiaggia.
Col passare del tempo, mese dopo mese il trampoliere iniziò a mutare il colore delle penne che prima divennero di un colore grigio-rosa e dopo sia le penne che le zampe ed il becco divennero rossi. Per Lunedda iniziava il tempo della maturità.
Quell’anno come succede spesso in questa nostra Sardegna soggetta agli scherzi del tempo, aveva fatto un autunno siccitoso.  I fenicotteri che nelle stagioni normali, frequentavano gli stagni e le zone paludose, col secco di quei tempi, per alimentarsi restavano nelle sabbie basse del mare anche se purtroppo, in quelle sabbie e in quei mesi trovavano pochi gamberetti o altri crostacei.
Una domenica mattina del mese di novembre, Merintzana prima dell’ora di pranzo era voluta andare a salutare Lunedda, subito, s’era accorta che qualcosa non andava bene.
Lunedda era da sola in una parte della spiaggia, lontana dagli altri fenicotteri e ancora più lontana dal posto dove di solito stava quando lei andava a trovarla. Invece di avere il becco sott’acqua alimentandosi, aveva il becco girato verso il lungo collo.
Merintzana aveva cercato di avvicinarsi il più possibile all’amica pennuta e vide che impigliata nella zampa destra, aveva una matassa arruffata di lenza da pesca. Quella lenza maledetta si era attorcigliata anche nella zampa sinistra e peggio ancora due o tre giri le stringevano il collo.
Merintzana s’era accorta subito che per tale motivo il collo si era gonfiato nella parte alta e si capiva che stringeva molto la gola di Lunedda, non faceva passare il cibo e le provocava dolore e difficoltà nella respirazione.
Aveva il becco girato verso il collo perché cercava di liberare la gola beccando la lenza, ma tutte le volte che ci provava otteneva l’effetto opposto: la lenza le stringeva sempre più la gola.
Merintzana tornò a casa correndo e piangendo. La mamma vedendola così triste, la seguì in spiaggia e così fece anche il babbo appena rientrò dall’ovile.
 Uomo che conosceva uccelli, animali e pesci, sapeva che se si avvicinava a Lunedda, lei si sarebbe allontanata senza farsi seguire da nessuno, ma, vedendo la bambina triste e in lacrime provò ad avvicinarsi al fenicottero. Come arrivò a otto-dieci metri, Lunedda iniziò a muovere i trampoli e prese il volo. Si vedeva che era un volo malato, volava rasente al mare a qualche decina di centimetri sopra l’acqua, mai visto un fenicottero volare così. Dopo poco più di una cinquantina di metri il fenicottero si fermò tornando con le
zampe dentro l’acqua. 
All’ora del tramonto, il babbo di Merintzana con un suo amico pescatore presero la barca e un altro amico si vestì con l’attrezzatura da sub. I tre tentarono di avvicinarsi al fenicottero dalla parte del mare, ma Lunedda volò via come aveva fatto di mattina.
Tornato a casa triste e scoraggiato, chiamò per telefono il veterinario  raccontandogli quello che succedeva. 
Il veterinario gli consigliò di non disturbare più Lunedda cercando di prenderla per tagliare la lenza perché sapeva che non ci sarebbe riuscito. L’unica possibilità era che Lunedda dopo giorni senza cibarsi, sarebbe stata debole al punto di non riuscire a scappare e allora veloci potevano prenderla, tagliare la lenza che aveva al collo e portarla all’ambulatorio per le cure.
I giorni successivi Merintzana si recò in spiaggia ma Lunedda restava lontana. Si guardavano reciprocamente tristi, Lunedda con gli occhi quasi chiusi e anche se Merintzana cercava di chiamarla, non riusciva nemmeno a pigolare un “cro cro” alla bambina.
Una mattina presto, prima che passasse il pulmino scolastico la bambina volle andare per vedere il fenicottero, come avesse un presentimento. Come si avvicinò alla spiaggia vide che l’uccello non era dentro l’acqua ma coricato sulla sabbia, stava male, molto male.  Correndo lo prese in braccio e lo portò a casa gridando: «Mamma, mamma prendi le forbici, dobbiamo salvare Lunedda».
Tagliarono per primi i giri di lenza intorno al collo e dopo la matassa che le stringeva le zampe strozzandole. Merintzana iniziò ad accarezzarle il collo, massaggiandolo dove si era gonfiato. Lunedda chiuse gli occhi facendo spaventare la bambina che pensò che la sua amica stesse morendo, cercò di farle bere acqua ma non ne volle.
Dopo un po rientrò a casa il babbo e insieme decisero di portare il fenicottero all’ambulatorio. La bambina si mise seduta nel sedile posteriore della macchina del padre tenendo Lunedda in braccio e continuando a massaggiarle il collo.
Giunti all’ambulatorio sdraiarono Lunedda sopra un tavolo, il veterinario con una siringa prese un po di sangue dell’uccello per analizzarlo e subito gli infilò una flebo per iniettarle  subito le sostanze che gli servivano per sopravvivere e le medicine. 
Un’ora dopo Lunedda ricominciò il suo «Cro, cro!» e Merintzana ha capito che l’amica stava meglio e poteva guarire.
Parlando col veterinario padre e figlia decisero di portare il fenicottero a casa loro per il tempo occorrente alla guarigione. Il veterinario promise che sarebbe passato per visitare l’uccello tutte le volte necessarie.
Prima di riconsegnare il fenicottero alla bambina, facendosi aiutare dal babbo di Merintzana, il veterinario infilò nelle due zampe dell’uccello un anello di riconoscimento: di alluminio leggero nella zampa sinistra e di plastica nera con la scritta bianca “OLMM” nella zampa destra, così in futuro gli studiosi e gli ornitologi potranno riconoscere questo fenicottero salvato dalla morte da una bambina che era sua amica e gli voleva bene. 
La settimana successiva Merintzana visse solo per Lunedda, aiutandola con le medicine prescritte del veterinario, portandola in braccio alla spiaggia per farle riprendere l’abitudine ad alimentarsi da sola, facendole compagnia, giocando con lei, accarezzandola e baciandola con dolcezza. Ancora una settimana e il fenicottero guarì,  tornò dai suoi simili, a volare con loro su stagni e paludi nei fiumi e nei mari ma tornando ogni tanto a visitare Merintzana nella spiaggia del villaggio in riva al mare.
Se qualche volta vi capita di vedere questi leggiadri uccelli bianchi e rossi coi trampoli e col collo lungo che chiamano facendo «Cro, cro!», guardate se ce n’è uno con un anello di plastica nera con la scritta “OLMM”, può essere che stiate vedendo Lunedda.

Foto 2022

Sono foto da me scattate nel 2022 di uccelli, orchidee e funghi. Contrariamente alle mie abitudini di pubblicare foto con la determinazione scientifica dei soggetti, queste no. Solo immagini da vedere per forme, colori e bellezza dei soggetti. Per ingrandirle basta cliccare sopra.