Epoca - Luis Rogelio Nogueras (trad. Frantziscu Sotgiu Melis Pes)

Sordau martzia tranquillu a sa batalla,

sa sambentosa batalla, sa ranchida batalla

dae inue no totus torrana
Bertolt Brecht

azuade custa pobera tzega

narat su cantu e paperi mantzadu chi est appiccadu 

a su tzugu frazile de cussa betza.

Sa cara martoriada addurat frima,

sos ogos chena vida lagrimant,

sas manos, tottu ossos parent de linna

subra sa este loroddosa.
E deo pentzo chi depet tennere fritu suta cussos istratzos,

chi sa preca de sa bucca sua chena ‘dentes’

fortzis no at mai assazadu atera cosa si no pane nieddu e tostu.

E apustis su piticu burghesu

mi che brincat dae petorras sonande unu pagu ‘e soddos;

su coro modde de chera comintzat a s’iscazare de piedade.

Ma s’ateru chi tenzo aintro si rebellat,

iscutulat su tontu burghesu po su collete,

di che faghet bolare cun d’una manada sos soddos,

e l’abboghinat in cara

chi solu sa revolutzione

l’at a podere faghere zustitzia

a cussa betza.

Aeroportu de Lisbona, cabudanni  1978